Koronavirusi: çast pas çasti
Do të studiohen rastet ku Covid 19 është shfaqur për herë të dytë
Organizata Botërore e Shëndetësisë (OBSH) tha të shtunën se po shqyrton raportet e disa pacientëve me COVID-19, të cilët në testin e dytë dolën pozitivë edhe pse më parë kishin dalë si negativë.
Zyrtarët e Koresë së Jugut raportuan se 91 pacientë për të cilët ishte menduar se janë shëruar nga koronavirusi i ri, kishin dalë përsëri pozitivë në testim.
Jeong Eun-kyeong, drejtor i Qendrave Koreane për Kontrollin dhe Parandalimin e Sëmundjeve, tha në një konferencë, se virusi mund të jetë “riaktivizuar” në trupat e tyre.
Në pyetjen e Reuters-it lidhur me këtë çështje, Organizata Botërore e Shëndetësisë tha se “janë të vetëdijshëm për këto raporte”.
“Këto raste ne po i shqyrtojmë për së afërmi me ekspertët tanë klinikë dhe po punojmë shumë për të marrë më shumë informacione për ato raste individuale. Është e rëndësishme që kur grumbullohen mostrat e testimit nga pacientët e dyshuar, të ndiqen procedurat ashtu siç duhet”, thotë OBSH-ja.
Sipas udhëzimeve të OBSH-së për menaxhimin klinik, një pacient mund të lirohet nga spitali pas dy rezultateve të njëpasnjëshme negative me distancë kohore të testimit të paktën 24 orë.
Sipas OBSH-së te rastet me simptoma të buta, ekziston një periudhë prej rreth dy javësh midis fillimit të simptomave dhe shërimit klinik të pacientëve.
Zyrtarët shëndetësorë të Koresë së Jugut thanë të premten se mbetet e paqartë se çfarë fshihet pas këtij trendi, dhe se hetimet epidemiologjike janë duke vazhduar.
Megjithatë, OBSH-ja thotë se “meqenëse COVID-19 është një sëmundje e re, kemi nevojë për më shumë të dhëna epidemiologjike për të nxjerrë ndonjë përfundim”.
Numri i vdekjeve në botë nga koronavirusi ka arritur në mbi 100 mijë ndërkaq numri i të infektuarve mbi 1.6 milion.
Llogaritet se nga sëmundja janë shëruar mbi 370 mijë njerëz.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj