70.000 kërkesa për kompensim nga fondi prej 20 miliardë frangave

Personat e vetëpunësuar mund të aplikojnë për kompensim në fondet e kompensimit AHV. Këtë mund ta bëjnë vetëm nëse u është dashur të mbyllin biznesin e tyre me urdhër të Qeverisë Federale

Deri më tani, më shumë se 70.000 njerëz të vetëpunësuar në Zvicër kanë aplikuar me kërkesën për kompensimin nga fondi i përfitimit për bizneset e vogla dhe të mesme, të dëmtuara nga koronavirusi.

Kjo është bërë e ditur nga konferenca e fondeve të kompensimit kantonal AHV, shkrua srf.ch.

Personat e vetëpunësuar mund të aplikojnë për kompensim në fondet e kompensimit AHV. Këtë mund ta bëjnë vetëm nëse u është dashur të mbyllin biznesin e tyre me urdhër të Qeverisë Federale, transmeton albinfo.ch. Të gjithë personat e tjerë të vetëpunësuar që kanë pasoja financiare nga masat federale, por të cilëve nuk u është ndaluar ushtrimi i profesionit të tyre, nuk kanë të drejtë të aplikojnë.

Kjo ka shkaktuar kritikë ndaj kësaj mase të marrë nga qeveria.

Rreth një e treta e 20 miliardë frangave zvicerane që janë vënë në dispozicion të NVM-ve në formën e garancive për t’u marrë me krizën e koronës tashmë janë zotuar për përfituesit e marrëveshjeve të huasë.

Një total prej rreth 31.850 kredi janë dhënë deri të dielën në mbrëmje, ka deklaruar sot për mediat në Bernë Erik Jakob, kreu i Drejtorisë për Promovim në Sekretariatin Shtetëror për Cështjet Ekonomike Seco. Nuk përjashtohet mundësia që shuma të rritet.

Gjithsej 6.6 miliardë CHF janë dhënë në kuadër të marrëveshjeve të huasë, përcjell albinfo.ch. Ndërsa mesatarja e kredive të dhëna është  207.000 franga.

Këtu është fjala për kreditë që nuk e kalojnë shumën prej 500 mijë frangave.

---