Njoftim për qytetarët shqiptarë që ndodhen në Gjermani

Shqiptarët që ndodhen në Gjermani, të cilët mund të tejkalojnë qëndrimin e lejuar në hapësirën Schengen, nuk do të penalizohen nese japin fakte se për shkak të situatës së Covid-19 e kanë pasur të pamundur kthimin

Ministria e Punëve të Jashtme e Republikës së Shqipërisë informon të gjithë shtetasit shqiptarë që ndodhen në Gjermani, të cilët mund të tejkalojnë qëndrimin e lejuar në hapësirën Schengen se nuk do të penalizohen, nëse japin fakte se për shkak të situatës së Covid-19 e kanë të pamundur kthimin në Shqipëri, transmeton albinfo.ch.

Ambasada sugjeron dërgimin e njoftimeve për pamundësinë e largimit brenda afatit 3 mujor, me email, faks ose përmes formularëve online te zyra për të huaj dhe migracionit që mbulon vendbanimin tuaj në Gjermani sapo të afrohet data e plotësimit të afatit 90 ditë të qëndrimit në hapësirën Schengen. /Albinfo.ch

---