Integrimi
Liberalët me prejardhje shqiptare në Zvicër, në ngritje e sipër
Ajo që bie në sy (në zgjedhjet e sivjetme në nivele të ndryshme) është numri i madh i emrave që tingëllojnë shqip, në listat zgjedhore të partive të ndryshme. Po ashtu diçka që bie në sy dhe që mua më gëzon, është fakti se shumë nga këta emra gjenden në listat e FDP-së ose të Liberalëve të Rinj
Ende pa mbaruar mirë një palë zgjedhje, zgjedhjet tjera janë në prag. Mund të thuhet se kjo gjë e lodh sistemin zviceran. Demokracia jonë e drejtpërdrejtë dhe sistemi federal me nivele të ndryshme, e sfidon në vazhdimësi zgjedhësin zviceran. Kështu, një zviceran merr pjesë në zgjedhje ose në referendume më shpesh se pjesëtarët e ndonjë nacionaliteti tjetër gjatë gjithë jetës. Më 9 shkurt 2020, për shembull, qytetari i Cyrihut voton për 6 iniciativa.
Në të njëjtën kohë në St.Gallen mbahen zgjedhjet kantonale ndërsa në Kantonin e Lucernit, ato në nivelin komunal.
Ajo që bie në sy në këtë pikë, është numri i madh i emrave që tingëllojnë shqip, në listat zgjedhore të partive të ndryshme. Po ashtu diçka që bie në sy dhe që mua më gëzon, është fakti se shumë nga këta emra gjenden në listat e FDP-së ose të Liberalëve të Rinj. Është pra në natyrën e rrjedhës së gjërave që gjenerata e dytë dhe ajo e tretë sillet si autoktone dhe dëshiron të jetë pjesë e politikës dhe shoqërisë. Dhe natyrisht, kjo bën që këto gjenerata të zhvillojnë interesa të ndryshëm politikë dhe në këtë mënyrë, ashtu sikurse vetë shoqëria, të gjejnë veten në ngjyra të ndryshme të spektrit politik. Liberalizmi luan në këtë pikë një rol të jashtëzakonshëm, jo vetëm për faktin se përbën gurthemelin e Zvicrës moderne, por edhe për udhëheqjen e saj të mëtejshme. Kjo sepse infrastruktura jonë, nevoja jonë kulturore, dëshirat dhe ëndrrat tona si shoqëri, mund të financohen dhe të mbështeten vetëm falë një ekonomie të fuqishme dhe që funksionon mirë.
Komuniteti shqiptar, falë angazhimit të mërgimtarëve të parë, ofron në këtë kontekst specialistë dhe specialiste nga të gjithë lëmenjtë, ashtu si dhe ndërmarrëse dhe ndërmarrës, të cilët këto vlera liberale i bartin me vete. Një pjesëmarrje politike, tek e cila krijohen kushtet bazë për veprimin e saj, është një rrjedhojë logjike dhe patjetër e duhura. Dhe është mirë që është kështu, para së gjithash për një punë të përbashkët për të ardhmen.
- Këshilltar komunal i Cyrihut, FDP, kryetar i Degës së FDP në Qarkun e nëntë të Cyrihut
Të ngjashme
Të tjera nga Integrimi
E-Diaspora
-
Humb jetën tragjikisht 22-vjeçari shqiptar në këtë shtet Një 22-vjeçar shqiptar ka humbur jetën në mënyrë tragjike në Greqi, përcjell albinfo.ch. Mediat greke bëjnë...
-
Kandidati për eurodeputet me origjinë shqiptare, Muharrem Salihu, merr mbështetje në Itali
-
Vildane Rexhepi, menaxhere prokurimi në IT-në e bankës UBS
-
Muhamed Mustafi, ylli shqiptar në St. Gallen
-
Shqipëria, pjesë e paradës së karnavaleve në Berlin
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?