Stuhia ‘Sabine” në Gjermani i preku edhe kosovarët

Në Gjermani priten reshje të dendura shiu dhe erëra me fuqi uragani

Erërat dhe valët e fuqishme kanë goditur Gjermaninë, derisa stuhia ‘Sabine” ka shkatërruar çdo gjë që i ka dalë përpara, transmeton albinfo.ch.

Në pjesën veriperëndimore të vendit, një tren “Intercity” është përplasur në një pemë që ishte rrëzuar në binarë, shkruan focus.de. Rreth 300 pasagjerë kanë ngecur për dy orë në tren.

Ndërkaq, “Deutsche Bahn” (DBB) ka njoftuar se gradualisht do të ndërpresë transportin në distanca të gjata në gjithë vendin, transmeton albinfo.ch. Trenat rajonalë në rajonet e prekura nga stuhia funksionojnë tashmë vetëm me shpejtësi të zvogëluar.

Ky mot duket se ka prekë edhe kosovarët, pasi që një numër i madh i tyre jetojnë në Gjermani.

Njëri prej tyre është edhe vëllai i ish-kandidatit për kryetar të Komunës së Drenasit, Xhavit Drenori.

Ai në profilin e tij në Facebook ka bërë të ditur se nga stuhia i është dëmtuar vetura vëllait të tij, por që nuk është lënduar.

“Stuhia #Sabine në Gjermani ma paska prekë pak edhe vëllain e vogël në Gjermani, Avniun. Shyqyr veç dëmtim i veturës”, ka shkruar ai.

Është paralajmëruar që në vendet ku do të ketë vazhdimësi të erërave të fuqishme të ndërprehet mësimi. Po ashtu operatori hekurudhor Deutsche Bahn tha të dielën se do të ndalen shërbimet e trenit në distanca të gjata në shumë pjesë të Gjermanisë veriperëndimore për shkak të ndërprerjeve të shkaktuara nga stuhia, e cila goditi edhe vendet e tjera në Evropë, transmeton albinfo.ch.

Rreth 150 nisje fluturimesh dhe mbërritjesh u anuluan në Aeroportin e Frankfurtit, tha një zëdhënëse e operatorit të aeroportit, duke shtuar se 130 fluturime të planifikuara për të hënën tashmë janë anuluar.

Raportohet se erërat kanë arritur shpejtësinë deri në 120 kilometra në orë. Disa ekspertë të motit parashikojnë shpejtësinë e erës më shumë se 120 km / orë. /Albinfo.ch

 

https://www.facebook.com/579866755397713/videos/585059745379986/

 

https://www.facebook.com/xhavit.drenori/posts/10157297976838772

---