Maqedonia
Mbi 25 mijë shqiptarë në Maqedoni, pa nënshtetësi
Rreth 25 mijë vlerësohet të jetë numri i shqiptarëve në Maqedoni, të cilët u mohohet e drejta e nënshtetësisë. Ky problem nuk po trajtohet nga autoritetet e këtij shteti, të cilat para diplomatëve të huaj mburren se ligji për shtetësi është harmonizuar sipas standardeve evropiane, përcjell albinfo.ch.
Veprimtari i njohur, Gafurr Adili, thotë se një numër i madh i shqiptarëve në Maqedoni akoma nuk kanë nënshtetësi.
“Mbi 25.000 shqiptarë, edhe pas 3 dekadash “demokraci”, janë pa shtetësi të RMV-së; Partitë politike (iu thënçin shqiptare) heshtin s’i struci; Turp!”, thekson ai.
“Ky problem nuk po trajtohet nga autoritetet e këtij shteti, të cilat para diplomatëve të huaj mburren se ligji për shtetësi është harmonizuar sipas standardeve evropiane. Shqiptarë që kanë jetuar me dekada të tëra në Maqedoni u mohohet e drejta për t’u pajisur me nënshtetësi nga Ministria e Brendshme e Maqedonisë, me arsyetimin se ata janë me origjinë nga Kosova apo edhe Kosova Lindore. Mungesa e shtetësisë po kthehet në problem serioz, veçmas për shqiptarët e Malësisë së Kumanovës. Ata ndodhen në një pozitë të palakmueshme për shkak se si pasojë e mungesës së nënshtetësisë nuk kanë as sigurim shëndetësor dhe shërbime të tjera. Në anën tjetër, mohimi i nënshtetësisë reflekton edhe në dobësimin e peshës politike për shkak se nënkupton më pak votues shqiptarë”, tha ai.
Shqiptarë që kanë jetuar me dekada të tëra në Maqedoni u mohohet e drejta për t’u pajisur me nënshtetësi nga Ministria e Brendshme e Maqedonisë, me arsyetimin se ata janë me origjinë nga Kosova apo edhe Kosova Lindore.
Eksperti i çështjeve juridike, Osman Kadriu, duke folur për këtë problem ka thënë se çështja e nënshtetësisë është politizuar, meqë Ligji mbi shtetësinë u takon ligjeve diskriminuese. Sipas tij, në procedurën për aplikim për nënshtetësi vihen kushte e formalitete rigoroze, madje në këtë proces përfshihet edhe Sigurimi Shtetëror.
Kadriu ka shtuar se Sigurimi Shtetëror ka dhënë mendim negativ për shumë aplikacione të shqiptarëve. Mungesa e shtetësisë po kthehet në problem serioz, veçmas për shqiptarët e Malësisë së Kumanovës. Ata ndodhen në një pozitë të palakmueshme për shkak se si pasojë e mungesës së nënshtetësisë nuk kanë as sigurim shëndetësor dhe shërbime të tjera. Në anën tjetër, mohimi i nënshtetësisë reflekton edhe në dobësimin e peshës politike për shkak se nënkupton më pak votues shqiptarë, përcjell albinfo.ch.
Të ngjashme
Të tjera nga Maqedonia
E-Diaspora
-
Gjuha e arbëreshëve zyrtarizohet në shërbimet e gazetarisë në kanalet Rai Calabria Qendra e Studimeve dhe Publikimeve për Arbëreshët njoftoi se arbërishtja tashmë është gjuhë zyrtare për shërbimet...
-
Cyrih: Valltarët e shoqatës kulturore “Plisat” i janë bashkuar aksionit bamirës “Tag der guten Tat”
-
U mbajt simpoziumi shkencor në rastin e ditëlindjes së Skënderbeut
-
Boksieri Bernardin Jakaj, i gatshëm për meçin e së shtunës në Vjenë
-
Edi Rama pas takimit me emigrantët: Emocion i paharrueshëm, nuk do harroj fytyrat e shqetësuara të autoriteteve italiane
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?