Isa Mustafa konfirmon: S’ka marrëveshje

Lideri i Lidhjes Demokratike të Kosovës, Isa Mustafa, ka thënë se Lidhja Demokratike e Kosovës do të pranojë marrëveshje për koalicion qeverisës me LVV-në, nëse partia e Albin Kurtit pranon ofertën e saj.

“Ne biseduam me Lëvizjen Vetëvendosje për mundësinë e një koalicioni qeverisës, informuam edhe ambasadorët e KUINT-it, sepse ata ishin vetëm për t’u informuar në takim dhe jo për të ndërmjetësuar. U shprehëm se mbesim të hapur në qoftë se Lëvizja Vetëvendosje, si parti e parë, i pranon kushtet tona për bashkëqeverisje”, ka thënë Mustafa.

“Do të jetë një marrëveshje që i kontribuon vendit, i kontribuon luftimit të korrupsionit dhe zhvillimit ekonomik”, ka deklaruar Mustafa, përcjell albinfo.ch.

---