Tre veta plagosen gjatë xhirimit të një filmi në Zvicër

24-vjeçari i plagosur më rëndë është dërguar në spital me helikopter (REGA), ndërsa të tjerët, me ambulancë

Tre persona janë plagosur gjatë xhirimeve të një filmi në Rapperswil-Jona të Kantonit St.Gallen të shtunën. Ata janë goditur pasi që në një skenë janë përdorur armët, ka thënë policia e  kantonit St. Gallen.

Kanë qenë gjithsej 25 persona duke filmuar në një restorant (restoranti “Boomerang”, në qytetin Rapperswil-Jona). Pasi sekuencat e para u xhiruan pa incidente, më vonë tre persona u plagosën në një skenë me armë. Një grua 24-vjeçare dhe një burrë 54-vjeçar pësuan lëndime të mesme, ndërsa një grua 34-vjeçare është plagosur lehtë.

“Në fillim menduam se ishte një shaka. Pastaj pamë gjakun të rridhte…”, thonë dëshmitarët e ngjarjes.

24-vjeçari i plagosur më rëndë është dërguar në spital me helikopter (REGA), ndërsa të tjerët, me ambulancë. Rrjedha e saktë e ngjarjes është objekt i hetimeve që po vazhdojnë.

---