Shqiptarja ka marrë detyrën si nënkryetare e Këshillit të Worcester-it

Donna Colorio do të jetë nënkryetare e Këshillit të Qytetit të Worcester-it.

Donna Colorio, gruaja shqiptare, e cila ishte kandidatja e dytë më e votuar në zgjedhjet lokale më 5 nëntor në SHBA, ka marrë detyrën si nënkryetare e Këshillit të qytetit të Worcester-it. Pak ditë më parë ajo bëri edhe betimin e saj për këtë post, shkruan albinfo.ch.

Donna Colorio më 7 janar filloi ditën e parë zyrtare në punë, pasi ajo mori votën e dytë më të lartë në garën e Bashkisë, andaj tani ka postin e nënkryetares së Bashkisë.

Kujtojmë se në zgjedhjet e fundit në SHBA kandiduan pesë shqiptarë dhe të gjithë dolën fitues në zgjedhjet e mbajtura në SHBA.

Kandidatja shqiptare, Buta Biberaj, nga Bashkësia demokratike, mposhti republikanen Nicole Wittmann, me 53,684 vota ndaj Wittmann me 51,476.

Jetlir Kulla ka shkuar që fëmijë në SHBA dhe ka kandiduar për mandatin e tretë në Këshillin Bashkiak të qytetit Waterbury. Kulla ka fituar mandatin e tij të tretë për Këshillin Bashkiak të qytetit Waterbury, Ai shprehet krenar për këtë arritje dhe për përfaqësimin në këshill.

Nga ana tjetër, Donna Colorio do të jetë pjesë e Këshillit të Qytetit të Worcester-it.

Gjithashtu edhe Robert Gjonaj është shpallur fitues për Këshillin e Qytetit në Livonia, Michigan ndërsa Vedat Gashi do të përfaqësojë shqiptarët në Bordin e Legjislatorëve në Westchester, pra Gashi u bë ligjvënësi i parë shqiptar në prefekturën Uestçestër të Nju-Jorkut. /Albinfo.ch.

---