Ka mbërritur epidemia e gripit dimëror 2019-2020

Pas një fillimi të qetë të dimrit 2019-2020, rastet e gripit kaluan në “epidemi” në javën e dytë të janarit, tha të mërkurën Zyra Federale e Shëndetit Publik (FOPH), shkruan Swissinfo.ch.

Një epidemi konsiderohet e tillë kur 69 persona ose më shumë njerëz në 100,000 banorë konsultohen me mjekun e tyre me simptoma të gripit brenda një jave; dhe numrat për javën e dytë në janar ishin kryesisht mbi këtë, në 95 për 100,000 banorë, raportoi FOPH.

Vitin e kaluar, një epidemi u shpall gjithashtu në javën e dytë të janarit, para se të largohet në mes të shkurtit dhe të rikthehej përsëri në fund të marsit.

Këtë vit, grupmoshat më të prekura janë 15-29 vjeç dhe 0-4 vjeç, të dy grupet me “kontakte më sociale”, sipas Daniel Koch nga FOPH.

Kantonet që flasin frëngjisht në Zvicrën jug-perëndimore dhe kantoni i Bernit, janë më të prekurit nga virusi sezonal.

Koch i tha radios publike zvicerane, RTS, se janë tre viruse të veçantë, dhe që të tre janë të mbuluar nga vaksinat që janë aktualisht në dispozicion. “Prandaj, njerëzit e vaksinuar duhet të mbrohen nga gripi gjatë këtij viti,” tha ai.

Grupet më të rrezikuara ndaj komplikimeve nga gripi janë ato me sistem imuniteti më të dobët siç janë foshnjat dhe të moshuarit, tha ai, përcjell Albinfo.ch.