Shuhet familja zvicerane në aksidentin me helikopter në Havaje

Arsyet e sakta të rrëzimit janë ende të paqarta. Hetuesit synojnë të rikuperojnë mbetjet e helikopterit nga zona, e cila është shumë e vështirë për t'u arritur

Një familje zvicerane prej katër anëtarësh dhe tre amerikanë kanë humbur jetën në një përplasje me helikopter që ka ndodhur në Hawaii të enjten e javës së kaluar, shkruan srf.ch. Vetëm tani janë në dispozicion rezultatet e para të hetimeve të bëra lidhur me aksidentin.

Sipas tyre, helikopteri para përplasjes ka prekur një kreshtë malesh gati 900 metra të lartë, transmeton albinfo.ch. Atëherë helikopteri që bënte fluturime turistike ka rënë në rreth 30 metra në  thellësi, siç ka bërë të ditur agjencia amerikane e sigurisë së trafikut në faqen e saj të internetit. Fluturakja më pastaj është përfshirë nga flakët dhe është shkatërruar në pjesën më të madhe të saj.

Arsyet e sakta të rrëzimit janë ende të paqarta, përcjell albinfo.ch. Hetuesit synojnë të rikuperojnë mbetjet e helikopterit nga zona, e cila është shumë e vështirë për t’u arritur.

---