Lajme
Vazhdon kriza e zjarreve në Australi, angazhohet ushtria
Autoritetet australiane kanë angazhuar ushtarë me helikopterë dhe anije për të ofruar ndihmë në zonat e përfshira nga zjarret në natyrë. Rajonet më të goditura janë New South Wales dhe Victoria.
Mijëra persona janë vendosur në zona bregdetare për shkak të rrezikut nga zjarret. Në Mallacata të Victoria-s, rreth 4 mijë persona kërkuan strehim në bregdet.
Deri më tash, nga zjarret kanë vdekur 12 persona, ndërsa pesë të tjerë mbeten të zhdukur.
“Kemi qindra dhe mijëra njerëz në bregdet, të cilët po mundohen të strehohen në tendat e vendosura në plazhe”, tha Shane Fitzsimmons, komisioner i Shërbimit të Zjarrfikësve në New South Wales.
Kryeministri australian, Scott Morrison dhe ministrja e Mbrojtjes, Linda Reynolds, janë marrë vesh që të dërgojnë helikopterë dhe anije ushtarake në zonat e përfshira nga zjarri, pas kërkesës së qeverisë rajonale të Victoria-s.
Pritet që ushtria të ofrojë ndihma humanitare për njerëzit e prekur nga zjarret dhe t’ua mundësojë zhvendosjen, nëse një gjë e tillë bëhet e domosdoshme gjatë ditëve të ardhshme.
Për t’i shuar zjarret, Australia ka kërkuar ndihmë edhe nga Shtetet e Bashkuara dhe Kanadaja, shkruan GE, përcjell albinfo.ch.
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi