Milano: Konferencë mjekësore nga Federata e Mjekëve Shqiptarë në Evropë

“Federata Mjekët Shqiptarë në Europë” (AMFE) realizoi konferencën mjekësore të radhës në Milano falë kontributit të mjekes Adela Sulejmani, koordinatore lokale e Federatës, e cila jeton dhe punon në Milano, Itali, transmeton albinfo.ch.

Thuhet se kjo federatë, përmes aktiviteteve që organizon, synon një rrjetëzim të mjekëve shqiptarë në diasporë me qëllim njohjen me njëri-tjetrin dhe shkëmbimin e përvojave mes tyre.

Po ashtu, aty janë ftuar të marrin pjesë edhe mjekët shqiptarë në diasporë që ushtrojnë aktivitetin në vende europiane si Itali, Gjermani, Francë, Zvicër dhe kanë prezantuar aty punimet e tyre mbi të rejat në mjekësinë moderne. /Albinfo.ch