Plzeni frymon shqip, për atje u nisën edhe ‘Dardanët’ nga Gjeneva

Është dita e ndeshjes! Na ndajnë vetëm disa orë nga përballja që e presim prej muajsh.

Sonte Kosova e zhvillon ndeshjen vendimtare ndaj Çekisë, në kualifikimet për Kampionatin Evropian 2020.

Sfida fillon prej orës 20:45 me “Dardanët” që do të luajnë vetëm për tri pikë, të cilat janë shpresa e vetme drejt Evropianit.

Shqiptarë të shumtë nga diaspora janë nisur drejt Plzenit, për të mbështetur Kosovën.

Së fundmi një grup është nisur nga Gjeneva  për t’iu bashkuar tifozëve të tjerë atje, përcjell albinfo.ch.

Shumë prej “Dardanëve” s’kanë mundur të blejnë bileta, por do të shohin ndeshjen rreth stadiumit, nëse s’do të mund të bëjnë zgjidhje deri në kohën e ndeshjes.