Kanada: Avokatët shqiptarë, me eksperiencat profesionale

Së fundmi në Kanada është mbajtur një takim për zgjidhjen e problemeve të ndryshme ligjore që përballen shqiptarët në këtë vend.

Takimi është organizuar për të ndarë eksperiencat e tyre profesionale si dhe për të diskutuar për mbështetjen dhe konsulencën që i ofrojnë komunitetit shqiptaro-kanadez në zgjidhjen e problemeve të ndryshme ligjore.

Në këtë event morën pjesë shumë mërgimtarë për të informuar rreth ligjeve juridike në Kanada dhe lehtësirat që mund të ofrohen nga ky shtet.

Panelistët ishin të shumtë, duke ndarë përvoja nga më të ndryshmet rreth ligjeve juridike.

Protagonistët kryesorë të kësaj mbrëmje që mbajtën fjalime ishin: Paola Beci, Albana Musta, Fred Gjoka, Marin Nati dhe Lusi Braçe.

Gjithashtu duhet të theksohet se përvojat e tyre u bënë përmes udhëtimit të tyre me sukses, pastaj sfidat e tyre dhe deri më sot ku janë.

Kjo ngjarje ishte një bashkëpunim i frytshëm me Albanian Canadian Lawyers Association (ACLA).

Më poshtë mund t’i shikoni disa nga fotot gjatë zhvillimit të takimit organizuar nga Shoqëria Shqiptaro-Kanadeze (ACE) dhe Shoqata e Avokatëve Shqiptaro-Kanadezë (ACLA).