Çifti gjendet pa shenja jete, si ndodhi rasti

Janë dhënë detaje të reja për çiftin që u gjend pa shenja jete në Kantonin e Jura-s

Një ngjarje tragjike ka ndodhur në fshatin e vogël të Courfaivre-s. Personat e gjetur të vdekur të hënën në mëngjes janë çifti M. K. * dhe C. K. *.

Deri më tani dihet se të dy janë gjetur pa shenja jete në banesën e tyre, shkruan “20min”, përcjell albinfo.ch.

Mësohet se arma është një thikë, edhe pse policia nuk e ka konfirmuar.

Ata janë gjetur në banesë, nga njëri prej tre fëmijëve të tyre, të tre adoleshentë.

Këto detaje u njoftuan nga policia kantonale Jura në mbrëmje.

Mësohet se të dy kishin një dashuri të madhe për zogjtë grabitqarë dhe kafshët e tjera.

Miqtë e familjes K. janë të tronditur dhe të trishtuar. Një mik thotë me lot, “Ne nuk kemi energji të flasim për atë që ka ndodhur”. Gjithashtu mësohet se çifti ishin ndarë këtë verë, derisa kjo familje ka qenë e njohur për dhunë familjare në të kaluarën.Policia është duke hetuar rastin dhe nuk ka dhënë detaje tjera.

 

---