Shqipëria
Mediat e huaja: Franca bllokoi Tiranën dhe Shkupin
Kundërshtimi i Francës për hapjen e negociatave me Shqipërinë dhe Maqedoninë është kryefjala e mediave ndërkombëtare.
Reuters dhe Financial Times shkruajnë se “Franca është në qendër të sulmit për shkak të gabimit historik të bllokimit të shpresave të Ballkanit për Bashkimin Europian”.
Në veçanti, në qendër të sulmit është Presidenti Emanuel Macron, përcjell albinfo.ch.
“Gjate darkës në samit, të gjithë përveç Macronit, e mbështetën hapjen e negociatave me Maqedoninë e Veriut, e cila është gjykuar se i ka përmbushur kriteret e Bashkimit Europian me reformat dhe mbylljen e konfliktit me fqinjët për çështjen e emrit”, shkruan Reuters.
“Hyrja e Shqipërisë dhe Maqedonisë së Veriut në BE, Macron zhgënjen aleatët e tij”, është titulli që mban artikulli i Huffington Post.
Gazeta përmend kancelaren Angela Merkel dhe Presidentin e Komisionit Evropian Jean-Claude Juncker, të cilët e quajtën zhgënjyes qëndrimin e Presidentit të Francës, si një “gabim të rëndë historik”.
Edhe BBC, e nis artikullin mbi këtë çështje me vëmendjen te zemërimi i zyrtarëve të lartë të BE-së, pasi një pjesë e vogël e vendeve anëtare, të udhëhequra nga Franca, bllokuan Shqipërinë dhe Maqedoninë e Veriut nga fillimi i bisedimeve të anëtarësimit.
Politico e sheh vendimin tek divergjencat mes Francës që ka mundur të bëjë për vete Holandën dhe Danimarkën dhe bllokut tjetër të shumicës së vendeve anëtare të BE-së, që mbështesin Gjermaninë.
Ajo citon presidentin e Këshillit Europian, Donald Tusk, i cili tha: “Dua të jem shumë i qartë: Maqedonia e Veriut dhe Shqipëria nuk duhet të fajësohen për këtë”.
Ndasitë mes Merkel e Macron i vë në dukje edhe Euractiv, që shkruan se, ndonëse në fjalimet e tyre në fund të Samitit të Këshillit Europian ata u përpoqën të tregonin një front të bashkuar për çështjet e BE, ndryshimet në mendime ishin të dukshme.
Prestigjiozja amerikane Washington Post shkruan mosdakordësia e liderëve europianë për hapjen e negociatave të anëtarësimit për dy vendet është një tërheqje e sikletshme që mund të irritojë rajonin.
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?