A e ka refuzuar Kemal Ademi Kosovën?

Ademi është 23-vjeçar, ndërsa  me Baselin në këtë edicionin i ka realizuar pesë gola

Një ndër futbollistët me në formë nga Kosova në Evropë është edhe Kemal Ademi, i cili po shkëlqen me skuadrën e Baselit në Zvicër. Në ditët e fundit është raportuar në media se sulmuesi Ademi e ka refuzuar Kosovën me pretekstin se është duke e pritur një ftesë nga Përfaqësuesja e Zvicrës.

“Nuk është e vërtet se Kemal Ademi e ka refuzuar Kosovën. Edhe kryetari Agim Ademi edhe anëtarët e Komitetit Ekzekutiv janë të angazhuar në këtë drejtim”.

“Çdo lojtar që ka kualitete dhe dëshirë do të ftohet nga Kosova”, ka thënë sekretari i përgjithshëm i FFK-së, Eroll Salihu për emisionin Imazh në Radio Televizionin e Kosovës.

Ademi është 23-vjeçar, ndëra  me Baselin në këtë edicionin i ka realizuar pesë gola. Kosova të enjten luan ndaj Gjibraltarit, ndërsa pas katër ditëve me Malin e Zi percjell Albinfo.ch.

---