Uncategorized
25-vjeçari në Austri privon pesë persona nga jeta
Pas aktit, në mëngjesin e të dielës, personi në fjalë është paraqitur vetë në policinë lokale. “Sapo i vrava pesë persona”, ka thënë ai, sapo është paraqitur
Një person 25-vjeçar, siç bën të ditur policia, ka vrarë pesë veta në orët e hershme të mëngjesit të sotëm në Kitzbühel të Austrisë. Të vrarët janë ish-mikja e tij 19 vjeçe, prindërit e saj, vëllai dhe një burrë tjetër (miku i ri i 19- vjeçares). Motivi i vrasjes duket të ketë qenë xhelozia, shkruajnë mediat austriake.
Vendi i krimit është një shtëpi private në vendin e njohur për pushime dimeore dhe skitari, Kitzbühel, transmeton albinfo.ch. Vajza 19 vjeçe ishte ndarë para dy muajve nga 25-vjeçari.
Pas aktit, në mëngjesin e të dielës, personi në fjalë është paraqitur vetë në policinë lokale. “Sapo i vrava pesë persona”, ka thënë ai.
Krimit i ka paraprirë një konflikt në mes të dy ish-partnerëve në një lokal në Kitzbühel, ka deklaruar të dielën për mediat një zëdhënës i policisë.
Rreth orës 4 të mëngjesit, 25-vjeçari kishte trokitur në derën e shtëpisë së prindërve të ish-mikes së tij. Babai i saj e ka përzënë. Ai pastaj ka shkuar në shtëpinë e tij dhe ka marrë një armë zjarri, ka thënë tutje zëdhënësi.
Me të arritur sërish në shtëpinë e përmendur, ai ka vrarë prindërit dhe vëllanë e mikes. 19-vjeçarja ka qenë në një kthinë të mbyllur, përcjell albinfo.ch. Por krimineli ka arritur tek ajo, duke u ngjitur në ballkon dhe me atë rast ka vrarë atë bashkë me të dashurin e saj të ri.
Lokaliteti me rreth 8.000 banorë, i njohur në botë për turizëm dimëror dhe për skitari, është i tronditur thellë, shkruajnë mediat austriake, transmeton albinfo.ch. Një krim i këtyre përmasave nuk mbahet mend të ketë ndodhur më parë në Kitzbühel.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
-
Ardon Jashari largohet përfundimisht nga Lucerni
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?