Mimoza dhe Alma në “konflikt” për bektashinjtë

Deputetja e LDK-së, Alma Lama ka ironizuar me kryetaren e Gjakovës, Mimoza Kusari-Lila, pasi që kjo e fundit i ka uruar bektashinjtë për muajin Muharrem

Një urim për besimtarët bektashinj me rastin e fillimit të muajit Muharrem, e ka futur në “bela” kryetaren e Komunës së Gjakovës, Mimoza Kusari-Lila me deputeten e Lidhjes Demokratike të Kosovës, Alma Lamën. Kjo e fundit ka ironizuar  me urimin e kryetares së Gjakovës duke e quajtur “fushatë zgjedhore”.

“Te gjithë atyre politikaneve që e kanë nuhatur mundësinë e zgjedhjeve, e po duan që të mashtrojnë votuesit duke iu përkujtuar beteja fetare si ajo e Qerbelasë, iu rekomandoj t’i ftojnë për të evokuar dhe përkujtuar ndonjë nga dhjetëra betejat e Skënderbeut, për të çliruar dhe mbrojtur truallin e Arbërit”, thotë Lama.

Madje Lama nëpërmjet një postimi në facebook, ia përkujton kryetares së Gjakovës, disa nga betejat e Skënderbeut.   

Por, për Mimoza Kusari-Lilan këto akuza nuk ja vlen të komentohen pasi që, sipas saj, kushdo që i bënë këto kritika nuk e kupton esencën e demokracisë. Ai për IO ka treguar se, nuk është ajo që bënë dallime për ndonjë fe.

“Kjo është një praktikë që unë vazhdimisht e ushtrojë, qoftë për festat katolike, qoftë për festat e myslimanëve, qoftë për festat e shehlerëve ose bektashinjve dhe nëse dikush e përcjell komentimet e mija, do t’i sheh që asnjë kategori, për aq sa unë kam njohuri dhe mundësi, nuk kalon pa iu uruar”, ka thënë ajo.

Sipas saj, në demokraci e drejta e ushtrimit të fesë është e garantime gjithashtu edhe e drejta e mos-ushtrimit ose atyre që refuzojnë të jenë në përcaktime fetare edhe ajo lejohet.

“Unë jam kryetare e komunës që fatmirisht ka tolerantë të lartë fetare ka katolik, mysliman (suni dhe shia) do të thotë edhe ato që i përkasin tarikateve, por edhe ato të grupit tjetër, prandaj e respektojë secilën festë ose secilën arsye për festë që banorët e komunës së Gjakovës dhe mbarë Kosovës e kanë”, thotë Kusari-Lila.