Lajme
“Spiunët” zviceranë përgjojnë ilegalisht blerësit e kanabisit në Austri
“Spiunët” zviceranë kanë vëzhguar blerësit zviceranë në parkingjet para shitoreve të kanabisit në Austri. I kanë marrë numrat e regjistrimit të automjeteve të tyre dhe i kanë përcjellë në komandë
Shërbimi i Rojave Kufitare i Zvicrës është gjendur në fokus të mediave pas një aksioni ilegal që ka realizuar në Austri. Pjesëtarët e këtij shërbimi kanë ndërmarrë aksionin e emërtuar “Aktion Knobli” brenda territorit austriak për të zbuluar blerësit e farërave të kanabisit, shkruan sda.ch. Siç dihet, dyqanet që shesin këtë farë dhe mjetet e nevojshme për kultivimin e kanabisit, në Austri janë të lejuara, ndërsa në Zvicër të ndaluara.
Për katër ditë, gjatë vitit 2018 dhe 2019 rojat kufitare, të paarmatosura dhe në veshje civile, kanë hulumtuar tregun në fjalë në landin Vorarlberg të Austrisë, transmeton albinfo.ch. Ata nuk e kanë njoftuar policinë austriake për aksionin e tyre. Kjo, për faktin se, sipas tyre, nuk do të lejohej hetimi për një tregti që në Austri është plotësisht legale. Ky arsyetim është gjetur në planin e bërë nga krerët e aksionit.
Kështu, “spiunët” zviceranë kanë vëzhguar blerësit zviceranë në parkingjet para shitoreve të kanabisit në Austri. I kanë marrë numrat e regjistrimit të automjeteve të tyre dhe i kanë përcjellë në komandë, përcjell albinfo.ch. Si rezultat, makinat me numrat e regjistruar janë ndaluar pastaj në kufi, nga shërbimi kufitar.
Administrata Federale Tatimore (EZV) ka pranuar plotësisht faktet e zbuluara, pas sqarimeve të bëra në mënyrë interne. Ajo konsideron se aksioni nuk ishte në përputhje me rregulat në fuqi që rregullojnë bashkëpunimin mes dy vendeve.
Është interesante mënyra si ka përfunduar aksioni “Knobli”. Një polici zviceran që është ndaluar në doganë i janë gjetur farëra të kanabisit në bagazh të makinës. Fakti se ai ka kundërshtuar rregullsinë e këtij veprimi ose mospërputhjen e tij me ligjin ka shërbyer për dekonspirimin e aksionit, shkruajnë mediat zvicerane.
Ndaj drejtuesve të aksionit pritet të merren masa disiplinore, thonë në EZV.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri