Bota
Guvernatorët brazilianë kërkojnë nga presidenti që ta pranojë ndihmën për zjarret
Zyrtarët qeveritarë thanë se do t’i pranonin këto ndihma, nëse qeveria e kontrollon mënyrën e shpenzimit të tyre.
Guvernatorët e nëntë rajoneve braziliane, të cilat janë prekur më së shumti nga numri i madh i zjarreve në pyje, kanë kërkuar nga presidenti i tyre, Jair Bolsonaro, që ta pranojë ndihmën ndërkombëtare për t’i luftuar zjarret.
Bolsonaro ditë më parë e refuzoi ndihmën financiare prej 22 milionë dollarësh nga shtetet e grupit G7 për shkak të një mosmarrëveshjeje me presidentin francez, Emmanuel Macron, përcjellë albinfo.ch
Sidoqoftë, pas takimit mes guvernatorëve dhe presidentit, qeveria e ndryshoi pozicionin e saj për ndihmat. Zyrtarët qeveritarë thanë se do t’i pranonin këto ndihma, nëse qeveria e kontrollon mënyrën e shpenzimit të tyre.
Një numër rekord i zjarreve janë përhapur në rajonin malor të Amazonës në Brazil. Ky vend ka rëndësi të madhe për shkak të thithjes së dyoksidit të karbonit dhe ngadalësimit të ngrohjes globale.
Pas rritjes së shqetësimit në komunitetin ndërkombëtar, liderët e shtatë shteteve të zhvilluara u zotuan se do t’i dhurojnë 22 milionë dollarë për t’i luftuar zjarret në Brazil.
Presidenti francez, Emmanuel Macron, i cili e udhëhoqi samitin e G7-ës, tha se fondet do të dhurohen menjëherë për të dërguar më shumë aeroplanë me ujë në zonat ku ka zjarre aktive.
Pasi fillimisht e kishte refuzuar këtë ndihmë, presidenti brazilian e zbuti qëndrimin të martën duke thënë se do ta shqyrtojë pranimin e të hollave, nëse presidenti francez i kërkon falje për fyerjen që ia bëri kur e quajti gënjeshtar, shkruan “BBC”.
Të ngjashme
Të tjera nga Bota
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri