CH-Ballkani
Në DokuFest mirëpriten sugjerimet e mërgimtarëve
Në kioskun “Diaspora @ DokuFest”, po ashtu mund të bëhen edhe regjistrimet për tri pakot që DokuFest sivjet i ofron për diasporën, me një çmim special
Me qëllim që vitin e ardhshëm t’u ofrojnë programe më të mira dhe oferta më të larmishme turistike, vullnetarët e DokuFest-it po marrin sugjerimet e diasporës, shkruan albinfo.ch.
Pranë kioskut “Diaspora @ DokuFest”, që është vendosur në sheshin “Dëshmorët” në Prizren, ata po u shpërndajnë anketa mërgimtarëve, për të marrë mendimet e tyre.
Përmes kësaj ankete, mërgimtarët pyeten se për çfarë arsye e vizitojnë Kosovën, në cilën fushë do të investonin, a i cilësojnë të mjaftueshme pakot turistike, në cilën gjuhë flasin zakonisht, e të tjera.
Vullnetarët kanë thënë për albinfo.ch se po mundohen të marrin sa më shumë rekomandime e të dhëna, në mënyrë që t’i dinë nevojat dhe preferencat e mërgimtarëve, dhe vitet në vazhdim t’u ofrojnë aktivitete më të larmishme.
Megjithatë, ata thonë se nuk po ka edhe shumë interesim nga ana e mërgimtarëve për të marrë pjesë në këtë anketë. Mirëpo, vullnetarët po mundohen që brenda ditës të marrin sugjerime të paktën nga 50 bashkatdhetarë.
Në kioskun “Diaspora @ DokuFest”, po ashtu mund të bëhen edhe regjistrimet për tri pakot që DokuFest sivjet i ofron për diasporën, me një çmim special.
Nën moton “Shijo Kosovën si kurrë më parë”, Dokufest ka në dispozicion pakot “Ecje historike nëpër Prizren”, “Degustimi i verërave në Rahovec” dhe “Nashec Tour”.
Njëherësh, në këtë kiosk mund ta merrni falas numrin më të ri të revistës Albinfo.ch, që këtë herë mëton t’ua paraqesë mërgimtarëve një Kosovë turistike.
Programi “Diaspora DokuFest” në kuadrin e DokuFest 2019 mbështetet nga USAID dhe SIDA.
Të ngjashme
Të tjera nga CH-Ballkani
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?