Zhvillim
50 milionë për ringjalljen e fabrikës së Sheqerit në Maliq
Kjo fabrikë, dikur më e madhja në Shqipëri, parashikon t’i prodhojë rreth 80 mijë ton sheqer në vit. Rikthimi në jetë i kësaj fabrikë do të kushtojë rreth 50 milionë €
Një investim 50 milionësh i investitorëve polakë, do ta rikthejë në jetë gjigantin e dikurshëm të prodhimit të sheqerit në Maliq të rrethit të Korçës, i cili ishte nxjerrë nga prodhimi 20 vjet më parë. Kjo fabrikë, dikur më e madhja në Shqipëri, parashikon t’i prodhojë rreth 80 mijë ton sheqer në vit.
Ky projekt polak, siç raportojnë mediet shqiptare, do të ndërtohet brenda 18 muajve të ardhshëm dhe tashmë ka marrë edhe mbështetje e Qeverisë në Tiranë. Me rikthimin e fabrikës parashikohet të punësohen rreth 20 mijë punëtorë në fushën e Korçës dhe në qytetin e Maliqit.
“Ka një bashkëpunim shqiptaro-polak dhe është dhënë drita jeshile. Bëhet fjalë për një fabrikë për prodhimin e sheqerit, një investim i mirëpritur për jo vetëm për Mailiqin, por edhe për Fushën e Korçës. Ne jemi të prirur të ndjekim procedura të shpejta, por ky nuk është vetëm një projekt që i takon Bashkisë së Maliqit, por është mbarëqeveritar”, ka deklaruar kryetari i Maliqit, Gëzim Topçiu.
Për qytetin e Maliqit rikthimi i një potenciali të tillë do të sillte një zgjidhje ekonomike për shumë familje të zonës, raporton NOA.
Kombinati i sheqerit në Maliq ishte ndërmarrja e parë e madhe e ish-industrisë ushqimore shqiptare. Kombinati u ndërtua më 1951 dhe përfshinte fabrikën e sheqerit pluhur, atë të tharjes së bërsive, termocentralin dhe ofiçinën mekanike. Ndërsa më 1967 u ndërtua edhe fabrika e nishestesë dhe e glukozës.
Ndryshe, qyteti i Maliqit është shumë afër Korçës dhe Pogradecit. Ndërsa ky rajon është shumë i përshtatshëm për prodhimet bujqësore, sidomos lugina e Devollit, që shtrihet deri në Bilisht.
E-Diaspora
-
Shqiptari, në listën e të kërkuarve nga Europoli, për vrasjen e bashkatdhetarit Ku është Shpendi Malo? 34-vjeçari dyshohet seriozisht se ka joshur Ismajl P., në Dölauer Heide, një...
-
Mërgimtari arrestohet në SHBA pasi hipi në aeroplan me armë
-
Numërohen rreth 62% e zarfeve të diasporës, kryeson PS me 65 mijë vota
-
Një shqiptar zgjidhet nënkryetar i komunës Wylie, në Texas të SHBA-së
-
Dy nxënës nga Kosova fitojnë nga 5 medalje në Paris
Jeta në Austri
-
Çmimi i arit mund të arrijë në afro 300 euro për gram, deri në vitin 2030 Edhe pse çmimi i arit ka rënë pas zbutjes së konfliktit tregtar midis SHBA-së dhe Kinës...
-
Tradita e pushimeve: Ku do të shkojnë austriakët në verën e 2025?
-
Austri: Buxheti i ri sjell rritje të ndjeshme tarifash për qytetarët
-
Pesë mënyra se si mund të kurseni para kur blini ushqim në Austri
-
Vjena sheh rritje 30% të rasteve të mbidozës së drogës tek adoleshentët