Ditë zie të hënën në Rahovec

Tre persona kanë vdekur si pasojë e një aksidenti gjatë ditës së djeshme në fshatin Bërnjak të Komuës së Rahovecit.

Në lidhje me humbjen e jetëve në komunikacion, Komuna e Rahovecit ka vendosur që të hënën të shpallet ditë zie në nderë të të vdekurve.

“Në përputhje me kompetencat e mia si Kryetar i Komunës së Rahovecit, duke ju shprehur ngushëllimet më të sinqerta familjarëve të viktimave dhe gjithë qytetarëve, kam vendosur që të hënën, datë 29 korrik 2019, ta shpall Ditë Zie, pas aksidentit tragjik të ndodhur sot në Rahovec”, shkruan kryetari Smajl Latifi.

Tutje në njoftim thuhet se të gjithë flamujt që janë të vendosur në institucionet komunale, do të ulen në gjysmështizë.