Gjermania kampione e botës!

Në minutën 113 Mario Götze shënon për Gjermaninë. 1 me 0 për Gjermaninë, e cila fitoi sonte titullin e Katërt të Kampionit të Botës

Duke qenë pjesë e ekipit fitues, edhe pse nuk ka luajtur në ndeshjet e fundit, edhe shqiptari nga Gostivari, Shkodran Mustafi është Kampion Bote në futboll. Ai është shqiptari i parë që ka mbajtur në duar Kupën e Kampionit të Botës. 

——

Ka qenë lojtari i hyrë si rezervist në lojë, Mario Götze ai që ia ka siguruar Gjermanisë fitoren dhe titullin e katërt të Kampionit të Botës. Kjo ka ndodhur në minutën e 113-të lojës, kur kishin mbetur edhe pak minuta deri në fishkëllimën e gjyqtarit për të shënuar fundin e lojës.

Gjermania korri një fitore të merituar ndërsa Argjentina, përkundër lojës së fortë dhe rezistencës, u desh të pajtohet me vendin e dytë.

—————

Vazhdimi i parë prej 15 minutash ka përfunduar pa ndryshim rezultati, 0 me 0. Lojtarët e stërlodhur fillojnë pjesën e dytë të vazhdimit të lojës.

———-

Ndeshja e finales së Botërorit në mes të Gjermanisë dhe Argjentinës që nga fillimi është karakterizuar nga epërsia e gjermanëve. Por, po ashtu gjatë td futbollistët gjermanë është vënë re një nervozë për faktin se Argjentina e Messi-t po dilte “arrë e fortë” në krahasim me Brazilin të cilin e kishin deklasuar një javë më parë. Për pasojë, gjermanët bënin edhe ndërhyrje të ashpra, dy prej të cilave në pjesën e parë u ndëshkuan me kartonë të verdhë.

Megjithë këtë, skuadra gjermane vazhdinte epërsinë në zotërimin e topit dhe në numrin e shanseve.

Në pjesën e dytë argjentinasit dukeshin më të mobilizuar dhe disa herë, sidomos përmes Messit, arritën ta rrezikojnë portën e Gjermanisë.

Loja po zhvillohej dinamike nga të dyja palët por rruga e topit për në portë paraqitej shumë e vështirë si për gjermanët ashtu dhe për argjentinasit.