Ekspertët e udhëtimeve: Mos shkoni vetëm në kanione

Pas ngjarjes, në të cilën një 25-vjeçare humbi jetën në Kanionet e Holtës, ekspertët e udhëtimeve kanë këshilluar turistët që të jenë më të kujdesshëm.

Rekomandohet që në udhëtime të tilla të mos jetë vetëm një turist, por të ketë me vete shoqërues, përcjell albinfo.ch.

“Është gjithmonë më mirë të kenë një person të zonës që t’i drijtojë. Në momentin që shfaqet një rrezik të jetë ai që ta menaxhojë”, tha ekspertja Marjana Çerekja, e cituar nga Ora News.

Po ashtu, është rekomanduar që para se të vizitohet një vend, paraprakisht të merren informacionet e duhura, sidomos mbi rreziqet e mundshme që mund të ndodhin.