Sot, ndeshja Kosovë-Zvicër në Beach Soccer

Sot, më 9 korrik zhvillohet ndeshja miqësore ndërkombëtare, këtë herë mes Kosovës dhe Zvicrës në Beach Soccer që do të jetë e para e pranuar nga FIFA.

Kosovë – Zvicër, është ndeshja e parë ndërkombëtare e Kosovës në Beach Soccer, e cila nesër do të zhvillohet në në ZüriCabana në Hauptbahnhof Zürich, me fillim prej orës 16:30.

Tashmë janë përzgjedhur edhe futbollistët që do ta reprezentojnë Kosovën në këtë garë ndërkombëtare në Beach Soccer.

Ky formacion ka futbollistë të njohur shqiptarë që luajnë në ekipe të njohura në ligën zvicerane Suzuki Swiss Beach Soccer League..

Formacionin e parë të Kosovës e përbëjnë: Portieri Kushtrim Musëshabanaj (Team United), Kujtim Shala (Beach Kings Emmen) 
 Rabit Rexhepi (BSC Illyrian), 
Rifat Veapi (GC Beach Soccer) , Adnan Rafuna (BSC Illyrian), Orhan Spahiu (BSC Illyrian), Besnik Thaqi (Havana Shots Aargau), Fatmir Abazi (FC Dietikon), Burim Shala (Beach Kings Emmen), Ali Veapi (FC Windisch), Selami Rexhepi (BSC Illyrian), Alfred Markaj (BSC Jona).

Për këtë lojë historike kanë marrë mandatin Beach Soccer Club “Illyrian”, ndërsa udhëheqës të klubit premtojnë se edhe në të ardhmen mund të organizojnë edhe ndeshje të tjera miqësore, edhe pasi FIFA të japë dritën e gjelbër që Kosova mund të luajë në ndeshje ndërkombëtare.

Trjaneri i përfaqësueses së Kosovës, Selami Rexhepi, ka thënë për albinfo.ch para ndeshjes se Zvicra është kundërshtare e fortë ngase figuron në vendin e 5-të në radhitjen botërore të FIFA-s.

Si do që të jete një ndeshje e tillë po pritet me entuziazëm në Zvicër, dhe pritet të ketë interesim të madh te shikuesit në diasporë.