Kosova
Rektori Dema viziton Universitetin “Savoie Mont Blanc” në Francë – inicion bashkëpunim ndëruniversitar
Të dyja palët u dakorduan që të shtrijnë bashkëpunim ndëruniversitar në disa fusha, si: shkëmbimi i studentëve, bashkëmentorimi i punimeve shkencore, kërkim e hulumtim shkencor, si dhe në avancim të frankofonisë
Rektori i Universitetit të Prishtinës “Hasan Prishtina”, prof. dr. Marjan Dema, po qëndron aktualisht në Francë, ku gjatë ditës së sotme ka zhvilluar vizitë zyrtare në Universitetin “Savoie Mont Blanc” (USMB), në Chambery.
Në këtë vizitë zyrtare, Dema u prit në takim nga presidenti i universitetit nikoqir, prof. dr. Denis Varaschin, i cili shprehu vullnetin për të iniciuar bashkëpunim me Universitetin e Prishtinës.
Në anën tjetër, rektori Dema informoi presidentin Varaschin me progresin që UP-ja ka shënuar dhe me gatishmërinë universiteti ynë ka për nisjen e bashkëpunimit reciprok.
Të dyja palët u dakorduan që të shtrijnë bashkëpunim ndëruniversitar në disa fusha, si: shkëmbimi i studentëve, bashkëmentorimi i punimeve shkencore, kërkim e hulumtim shkencor, si dhe në avancim të frankofonisë.
Takimi Dema – Varaschin ka zgjuar edhe vëmendjen e gazetës se përditshme “Le Dauphiné Libéré”, e cila ka mbuluar këtë vizitë të rektorit të UP-së në këtë universitet.
I shoqëruar nga zëvendës presidentja për bashkëpunim ndërkombëtar në USMB, prof. Vignollet Laurence, Dema zhvilloi takime edhe në disa njësi akademike, laboratorë dhe institute të USMB-së.
Gjatë ditës së nesërme pritet që rektori Dema të ketë takime të nivelit të lartë edhe në Universitetin e Gjenevës, në Zvicër.
Vizita e rektorit Dema në Francë dhe Gjenevë është mundësuar falë angazhimit të ambasadorit të nderit, z. Tahir Shabani, njëherësh president i Shoqatës së Miqësisë Franko-Shqiptare.
Të ngjashme
Të tjera nga Kosova
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj