Lojtarët e kombëtares priten si heronj

Rreh orës 12, hronjtë e Zvicrës janë pritur nga mijëra fansa të tyre në Hallenstaion të Cyrihut. Albinfo.ch ishte aty së bashku me publikun

Aeroplani që solli Ekipin nacional zviceran nga Brazili u ul pak para orës 11 në aeroportin Zürich-Kloten pas një udhtimi tërë natën nga Sao Polo. Pas eliminimit të tyrë  të martën nga Argjentina (0-1), lojëtarët  kanë mbërritur shëndosh dhe mirë në Zvicër.

Ottmar Hitzfeld dhe lojtarët e tij kanë kaluar nëpër një derë të fshehur për të dalë nga aeroporti para se të hipin në autobusin e tyre i cili i çoi në Hallenstadion. Për shkaqe teknike, vendtakimi i tyre me publikun është zhvendosur nga Aeroporti në Hallenstadium të Cyrihut.

Aty, heronjve të ardhur nga Argjentina u është përgatitur një pritje madhështore nga disa mijëra fansa të flakët. Moderatori i ka prezantuar të gjithë lojtarët me radhë ndërsa brohoritjet më të mëdha publiku i ka rezervuar për të prezantuarin e fundit, Xherdan Shaqirin.

Ky takim ka qenë njëherësh edhe ndarje emocionale nga trajneri i suksesshëm Ottmar Hitzfeld, i cili tashmë ka braktisur ekipin e tij dhe do të shkojë në pensionin e merituar.

Futbollistët u ndalën për pak çaste për t`u dhënë autografe adhuruesve të tyre, pastaj, shumica e tyre iu bashkuan familjarëve të cilët kishin ardhur t`i marrin për në shtëpitë e tyre. Masat e sigurisë që respektoheshin në mënyrë të rreptë, pamundësuan kontaktin e drejtpërdrejtë me ta.  Përjashtim ka bërë futbollisti Josip Drmic, i cili megjithatë u është afruar adhuruesve që prisnin te parkingu i sallës, duke u fotografuar me ta dhe duke u dhënë autografe.

Ndryshe nga shumica e futbollistëve të tjerë, të cilët i pritnin familjarët me makina, Fernandez dhe Senderos që jetojnë në Zvicrën frankofone, kanë zgjedhur të udhëtonin me tren për në shtëpitë e tyre. Albinfo.ch i ka fotografuar ata në restorantin e trenit ku kishin zënë vend sikur të gjithë udhëtarët e zakonshëm.  

Adnan Hidiqi nga Cyrihu, me prejardhje nga Bujanoci, kishte marrë të birin 2 vjeçar, Lenoksin në qafë për të pritur heronjtë e tij dhe të gjithë brezit të tij, futbollistët e kombëtares së Zvicrës.

“Erdha që t`i pres pasi që kanë luajtur shumë mirë dhe na e kanë zbardhur fytyrën, sidomos lojtarët shqiptarë. Ndeshja me Argjentinën ka qenë shumë e mirë dhe aty Zvicra ka qenë dukshëm më superiore, por fati ishte i atillë”, thotë Adnani deri sa po largohej nga salla Hallenstadion e Cyrihut. Ai nuk kishte mundur të takonte nga afër të adhuruarit e tij, futbollistët e ktyher nga Botërori “Brazil 2014” 

Në grumbullin e fansave të mbledhur në stadiumin e mbuluar kamera e albinfo.ch ka regjistruar edhe një vajzë e cila kishte vënë shiritin në të cilin mund të lexohej “Miss Romandie”.