Kosova fillon përgatitjet për përballjen me Zvicrën

Kosova do të zhvilloj ndeshjen e parë miqësore ndërkombëtare kundër Zvicrës më 9 korrik në Zürich

Përfaqësuesja e Kosovës në në Beach Soccer ka filluar të shtunën fazën e parë seleksionuese për përzgjedhjen e lojtarëve që do të luajnë ndeshjen e parë ndërkombëtare të Kosovës në Beach Soccer me Zvicrën.
Faza e dytë do të zhvillohet të hënën.

Selami Rexhepi, kryetar dhe lojtar i klubit shqiptar Beach Soccer Club “Illyrian” në Zvicër, i cili ekip ka marrë besimin për ta përfaqësuar Kosovën në ndeshje ndërkombëtare tha për albinfo.ch se se në këtë kohë të shkurtër po bëjnë përpjekje që të pergatisin një ekip dinjitoz që do të përfaqësohet nga shumica e lojtarëve që luajnë në Zvicër, ndërsa nga Kosova pritet të vijnë 2 deri 3 lojtarë në kuadër të delegacionit të Federatës së Futbollit që do të udhëhiqet nga Arlind Grantolli.

Shumica e ekpit kosovar që do përballet në ndeshjen miqësore ndërkombëtare me Zvicrën do të jenë nga ekipi i Beach Soccer Club “Illyrian”, por sipas Rexhepi janë grumbulluar edhe futbollistë të njohur shqiptarë që luajnë në ekipe të njohura në ligën zvicerane Suzuki Swiss Beach Soccer League.

Para lojës kryesore të 9 korrikut do të zhvillohen edhe dy ndeshje testuese me BSC Havana Shots dhe BeachKings Emmen, dy ekipe të premierë ligës zvicerane.

Biletat tashmë janë në shitje. Pritet të ketë interesim të madh nga shikuesit për lojën e parë të Kosovës në « Beachsoccer » me 09.07.2014 në Hauptbahnhof Zürich.