Kosova, e gatshme ta dërgojë FSK-në, për ta gjetur Floriana Ismajlin

albinfo.ch

Që nga dita e shtunë, futbollisjta Floriana Ismajli është raportuar e zhdukur në Liqenin Como, përcjell albinfo.ch.

Zhytës dhe ekipe shpëtimi janë angazhuar për gjetjen e saj. Ndërkaq, gjatë ditës së sotme, kryeministri i Kosovës, Ramush Haradinaj, ka bërë të ditur se Kosova është e gatshme ta dërgojë FSK-në për ta gjetur atë.

“I shqetësuar me lajmin për humbjen e Floriana Ismailit, që konsiderohet e zhdukur që nga e shtuna në Liqenin Como, sot i kam shkruar letër ambasadorit zviceran në Kosovë, Jean-Hubert Lebet. Si një vend partner me Zvicrën, pas konsultimit me Ministrinë e Mbrojtjes, kam shprehur gatishmërinë që njësia e specializuar e Forcës së Sigurisë së Kosovës për Kërkimin dhe Shpëtimin të marrë pjesë në operacionin për shpëtimin e futbollistes së kombëtares zvicerane në futboll”, ka shkruar Haradinaj në Facebook.

Florijana Ismajli është lojtare e Kombëtares Zvicerane të futbollit dhe e klubit Young Boys të Bernës. Ismaljli është shqiptare me prejardhje nga Lugina e Preshevës.