Ambasadorja gjermane kërkon që të dielën të pengohet çdo formë e dhunës

Për situatën e tensionuar politike në Shqipëri ka reaguar edhe ambasadorja e Gjermanisë në Tiranë, Suzzane Schütz. Ajo u ka bërë thirrje palëve që të kontribuojnë në mënyrë aktive që të pengojnë çdo formë dhune
“Është me rëndësi vendimtare, që zgjedhjet të zhvillohen të lira. Në këtë kontekst ky është një obligim i veçantë i partive opozitare. Gjermania ka sjellë në Shqipëri vëzhgues, që do të vëzhgojnë proceset në kuadër të misionit të pavarur të OSBE-/ODIHR-it. “ ka shkruar ambasadorja Schütz në deklaratën e saj.
Dy ditë nga zgjedhjet e 30 qershorit, ku pozita është e vendosur për të mbajtur ato e opozita jo ka pasur reagime të shumta për mundësin e dhunës pasi opozita ka thënë se nuk do të lejojnë mbajtjen e tyre.