Tematike
Dhoma e Kantoneve kërkon dy javë pushim të atësisë për prindërit e rinj
Kjo dhomë ka votuar për kundërpropozimin indirekt i cili parashikon një pushim prej dy javësh për meshkujt në rastin kur bëhen etër
Në debatin që po zgjat tash sa kohë për pushimin e atësisë, Dhoma e Kantoneve e Parlamentit të Zvicrës ka votuar sot kundër iniciativës popullore që kërkonte katër javë për pushimet e baballarëve të rinj.
Kjo dhomë ka votuar për kundërpropozimin indirekt i cili parashikon një pushim prej dy javësh për meshkujt në rastin kur bëhen etër, shkruan srf.ch. Për këtë kundërpropozim kanë votuar 26 deputetë ndërsa kundër tij, 16.
Sipas kundërpoozimit, dy javët e pushimit mund të shfrytëzohen brenda gjashtë muajve nga lindja e fëmijës, transmeton albinfo.ch. Pushimi mund të shfrytëzohet përnjëherë i tëri ose pjesë pjesë. Etërit gjatë kësaj kohe do të merrnin 80 për qind të pagës së tyre të rregullt.
Pushimi i atësisë, sipas këtij versioni do të financohej përmes skemës së kompensimit, njësoj sikur edhe pushimi i lehonisë për gratë.
Propozimi tani i kalohet Dhomës Nacionale të Parlamentit.
Bartësit e iniciativës së pushimit të atësisë kishin kërkuar katër javë për këtë destinim. Për këtë mungesë nga puna ata kishin llogaritur një kosto prej 420 milionë frangave në vit, transmeton albinfo.ch. Për ta financuar këtë kosto, punëdhënësit dhe punëmarrësit do të paguanin 0.06% më shumë se deri tash nga pagat.
Sipas tyre, rangimi i Zvicrës sa i përket pushimit të lehonisë dhe të atësisë në krahasim me shjtetet tjera të Evropës Perëndimore është shumë i ulët.
“Zvicra në politikën familjare hyn në kategorinë e vendeve në zhvillim”, ka thënë personi që është në krye të komitetit të iniciativës për pushimin e atësisë, politikani nga SP, Stefan Wüthrich. “Zvicra është vendi i vetëm në Evropë që ende nuk ka një bazë ligjore për pushimin e atësisë ose për një kohë të rezervuar për prindërit”.
Sipas një studimi të publikuar javën e kaluar nga Unicef-i, Zvicra, sa i takon politikave në favor të familjes është në fund të listës, gjegjësisht në vendin e 31-të të shteteve të karahasuara. Në vendin e parë të kësaj liste është Suedia.
E-Diaspora
-
Ardon Jashari, me çmimin “Safp Golden Eleven” si mesfushori më i mirë në Zvicër Swiss Association of Football Players së fundmi ka ndarë disa çmime për futbollistët më të mirë...
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri