Disa nga arsyet pse po protestojnë sot gratë në Zvicër

(KEYSTONE/Peter Klaunzer)

Sot më 14 qershor 2019, gratë anembanë do të hyjnë në grevë, si pjesë e një lëvizjeje globale që bën thirrje për barazi gjinore dhe dhënien fund të dhunës kundër grave.

Gjatë 10 viteve të fundit, mesatarisht 25 njerëz janë vrarë çdo vit si pasojë e dhunës në familje në Zvicër. 75% e viktimave ishin gra apo vajza.

Në Zvicër, gratë në përgjithësi paguhen më pak se burrat. Në vitin 2016, ishte një diferencë e përgjithshme prej 12% në pagën mesatare, përcjell albinfo.ch.

Me kalimin e kohës, gratë janë bërë më të spikatura edhe në qeverinë e Zvicrës. Nga viti 2010 deri në 2012, një shumicë (4 e 7) e Këshillit Federal, ekzekutivi i Zvicrës, ishin gra. Sot, tre nga shtatë janë gra dhe përqindja e grave në parlamentin e Zvicrës është rritur në 31.7%, përcjell tutje albinfo.ch.

Ndërkohë që është arritur përparim në disa fusha për gratë në Zvicër, ende ka punë për t’u bërë, veçanërisht në fushën e dhunës dhe ngacmimit.