Këto janë 10 aeroportet më të mira në botë

Në vendin e parë është aeroporti Changi i Singapurit. Aeropori i Cyrihut është në vendin e tetë në botë

Aeroporti Changi Airport i Singapurit nga viti 2010 e deri më tash është zgjedhur tri herë si më i miri në botë nga instituti i transportit ajror Skytrax i Londrës. Vlerësimi është mbështetur nga një sondazh i cili bëhet me pasagjerët, në të cilin kësaj here kanë marrë pjesë 12. 85 milionë sish nga 110 vende të botës, shkruan focus.de.

Veç shërbimeve tjera dhe komoditetit, aeroporti kampion ka joshur pasagjerët edhe me një kinema, një pishinë dhe një numër kopshtesh brenda kompleksit të tij.

Aeroporti i Cyrihut në këtë garë ka zënë vetëm vendin e tetë, ose një vend më poshtë se vitin e kaluar.

Në vendin e dytë, ashtu sikurse edhe një vit më parë është aeroporti Incheon i Seulit, Koreja e Jugut. I treti është aeroporti i Munihut, i cili njëherësh shpallet më i miri në Evropë.

Në vendin e katërt është Aeroporti Ndërkombëtar i Hongkongut. Në radhë vijnë pastaj aeroportet: Shiphol (Amsterdam), Haneda (Tokio), Den Beijing Capital International Airport , Peking, Aeroporti I Cyrihut, Vancouver Interntaional Airport, London Heathrow.

Pjesëmarrësit në sondazh kanë mundur të përcaktohen për gjithsej 410 aeroporte nga e gjithë bota. Janë vlerësuar 39 kritere, si: check-in-i, aterrimi, transferi, mundësitë për blerje, siguria etj.