Kuvendi i Kosovës ka votuar pro rritjes së pagës minimale

Sot në Kuvendin e Kosovës ka kaluar rezoluta për rritjen e pagës minimale në Kosovë, e propozuar nga Partia Social-Demokrate, përcjell albinfo.ch.

Kërkësa e PSD-së që paga mininale në vend të rritet nga 170 në 250 euro, ka marrë përgjigje pozitive edhe deputetët në Kuvend.

Kryetari i kësaj partie, Shpend Ahmeti, pas votimit ka kërkuar që të merren hapat për zbatimin e kësaj rezolute.

“Me iniciativën e PSD-së, Kuvendi ka votuar rritjen e pagës minimale në 250 euro. Bëjmë thirrje tek ekzekutivi që sa më shpejt të ndërmarrë hapat për implementimin e rezolutës, ku asnjë qytetar i Republikës së Kosovës nuk bën të paguhet nën 250 euro”, ka shkruar Ahmeti në Facebook.