Suspendohen 19 zyrtarët e arrestuar policorë

Foto arkiv

Kryeshefja e Inspektoratit Policor të Kosovës, Miradije Kelmendi, në konferencën për media ka bërë të ditur se nga 19 zyrtarët policorë të arrestuar, 11 janë të nacionalitetit serb, 4 shqiptarë dhe 4 boshnjakë. 

Prej tyre njëri komandant i stacionit policor, tre rreshterë dhe të tjerët kanë qenë zyrtarë policorë, shkruan mediat, përcjell albinfo.ch. 

Kelmendi ka bërë të ditur se të njëjtit janë dërguar në ndalim 48 orësh dhe janë suspenduar nga detyra.  

“Janë bastisur 12 lokacione. Janë arrestuar 19 punonjës policorë, prej tyre 11 të nacionalitetit serb, 4 shqiptarë dhe 4 boshnjakë. Njëri ka qenë kapiten, tre rreshterë dhe të tjerët policë. Nga këto bastisje janë konfiskuar armë, pajisje teknologjike dhe një sasi parash. Zyrtarët janë ndaluar për 48 orë dhe të njëjtit janë suspenduar nga detyra”, tha ajo në konferencën e përbashkët për media me Policinë e Kosovës dhe me Prokurorinë.