Shoqëria civile i kërkon sqarime kryeparlamentarit Kadri Veseli

24 organizata të shoqërisë civile kanë kërkuar sqarim nga kryetari i Kuvendit, Kadri Veseli, për përmendjen e  emrit të tij në një video nga të arrestuarit për fajde.

Në reagim, theksohet se nuk duhet lejuar që heshtja institucionale karshi fenomeneve të tilla të shndërrohet në praktikë dhe normalitet, transmeton albinfo.ch.

“Lufta kundër krimit të organizuar është deklaruar si prioritet i Qeverisë së Kosovës. Duke kaluar në heshtje, përmendja e krerëve institucionalë në rrethana të këtilla vetëm sa shkon në të kundërt të kësaj përpjekjeje. Bazuar në këto parime dhe arsye, organizatat e shoqërisë civile u bëjnë thirrje krerëve të institucioneve, në këtë rast kreut të Kuvendit, që në pajtim me përgjegjësinë që bart mbajtja e postit publik, të japë llogari”, theksohet në reagim.