Futboll
Arsenali pa Henrickh Mkhitaryan, në finale të UEFA Leauge
Tensionet politike mes Armenisë dhe Azerbajxhanit po ndikojnë edhe në futboll.
Për shkak të këtyre problemeve, skuadra e madhe evropiane, Arsenali, pjesë së cilës janë edhe dy shqiptarët, Granit Xhaka e Shkodran Mustafi, është dëmtuar për finalen e Europa Leauges që do të luhet në kryeqytetin e Azerbajxhanit, në Baku.
Futbollisti i Arsenalit që është nga Armenia, Henrickh Mkhitaryan, për shkak të këtyre rrethanave nuk do të udhëtojë për finale me skuadrën, njofton klubi nga Londra.
“Ne jemi shumë të zhgënjyer për të njoftuar se Henrikh Mkhitaryan nuk do të udhëtojë me skuadrën për finalen e UEFA Europa League kundër Chelseas.
Ne kemi hulumtuar të gjitha mundësitë që Micki të jetë pjesë e skuadrës, por pasi e kemi diskutuar edhe me lojtarin dhe familjen e tij, kemi rënë dakord kolektivisht se ai nuk do të jetë me ne në këtë udhëtim”, thuhet në njoftimin për media të Arsenalit, transmeton albinfo.ch.
Skuadra e Arsenalit për këtë çështje njofton se është ankuar edhe në UEFA.
“Mkhitaryan ka qenë një lojtar kyç në këtë garë dhe kjo është një humbje e madhe për ne nga një perspektivë e ekipit”, theksohet më tej në reagim.
Vetë futbollisti ka treguar se nuk ndihet i sigurt të luajë në një ambient ku pritet si armik.
“Pasi i kam shqyrtuar të gjitha mundësitë, në koordinim me klubin, kemi vendosur që për mua është më mirë të mos udhëtoj me skuadrën për finalen e Ligës së Evropës. Është një lloj i ndeshjeve që nuk vijnë shpesh dhe e kam të vështirë ta pranoj faktin që unë nuk do të jem pjesë e skuadrës”, ka deklaruar Mkhitaryan.
E-Diaspora
-
Në Zvicër u mblodhën mbi 37 mijë euro në edicionin e 6-të të ngjarjes filantropike Save a Life! Çmimi “Champion for Mother and Children” iu dhurua z. Sevdail Tahiri, si mbështetës i madh i...
-
Zvicër: Kjo anije është rezervuar për shqiptarët
-
Prezantohet në Vjenë platforma “Made in Kosova“
-
Shaqiri lë pas dëmtimin, i gatshëm për Evropianin
-
“Alba Festival” mbahet në zemër të Cyrihut me “Line Up-in” më të mirë ndonjëherë
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë