Disa fakte interesante rreth Zvicrës

Foto: eberhard grossgasteiger

Shumica e njohin Zvicrën si vend i Apleve, vend që prodhon çokollatë dhe për jetën e shtrenjtë. Megjithatë, Zvicra është e njohur edhe për gjëra të tjera, që mbase jo shumica i dinë, shkruan albinfo.ch.

Nëse po planifikoni ta vizitoni apo të zhvendoseni për të jetuar në vendin alpin, është mirë t’i dini edhe disa gjëra rreth Zvicrës.

Albinfo.ch ka përzgjedhur 10 fakte rreth Zvicrës nga uebi “Serious facts”.

Fillimisht, Zvicra është quajtur Helvetia.

Zvicra është ndër vendet që prodhon më së shumti çokollatë në botë, e po ashtu, zviceranët janë ndër popujt që hanë më së shumti çokollatë.

Në Zvicër janë më shumë se 1500 liqene.

Mësimdhënia në Zvicër është ndër profesionet më të paguara.

Jean-Henri Dunant, biznesmen zviceran dhe themelues i Komitetit Ndërkombëtar të Kryqit të Kuq, mori çmimin e parë Nobel për Paqe në vitin 1901, bashkë me Frederic Passy.

Qyteti më i madh i Zvicrës është Cyrihu, por Berna është kryeqyteti i këtij vendi.

Shumica e orëve luksoze të botës janë prodhuar në Zvicër.

Skijimi dhe alpinizmi janë ndër sportet më të popullarizuara në Zvicër.

“Nescafe”, kafeja e famshme në botë, është prodhuar në Zvicër për herë të parë.

Dita e parë e gushtit shënon Ditën e Pavarësisë në Zvicër.