Gerta Miftari, 14 vjeçe, shkruan roman kriminalistik në gjuhën angleze

Është vetëm 14 vjeçe, por ajo ka shkruar tashmë një roman. Emrin e ka Gerta Miftari, me prejardhje nga Kosova dhe është nxënëse e shkëlqyer e gjinnazit të qytetit gjerman Landau

“Në pamje të parë Gerta Miftari duket si çdo vajzë tjetër e moshës së saj. Por, kjo nxënëse megjithatë ndryshon nga shokët dhe shoqet e klasës. Kjo për faktin se Gerta ka shkruar një roman. Bëhet fjalë për romanin kriminalistik “Coldhearted Mafia Boss” (shefi mafioz me zemër të ftohtë), shkruan pnp.de.

Romani ka mbi 90.000 fjalë, ndërsa, në varësi nga disenji, mund të shtrihet në 400 faqe dhe është shkruar në gjuhën angleze.

Tashti, Gerta është në kërkim të një botuesi – për të cilin ajo parapëlqen të jetë gjerman – që të mund ta ofrojë produktin e saj digjital edhe në formë të shtypur.

“Unë lexoj shumë”, thotë 14-vjeçarja, prindërit e të cilës vijnë nga Kosova, transmeton albinfo.ch. “Duke lexuar ndodh edhe të zemerohem kur gjërat që mua më pëlqejnë, nuk ndodhin në librat që i lexoj. Për këtë arsye unë shkruaj në mënyrën si më pëlqen mua. Ndërsa fantazia për një gjë ushqehet përmes leximit”.

Si medium për rrëfimin e saj, Gerta Miftari ka zgjehdur platformën online Wattpad, përcjell albinfo.ch. Këtë platformë e ka zbuluar përmes një teksti të publikuar në Instagram.

Tregimi i saj që ka për subjekt martesat me detyrim, përbëhet nga 54 pjesë.

Me pak fjalë, subjekti i romanit është ky: Clare Dixon, e lindur në Kosovë dhe e rritur në Amerikë, ka prindër të pasur. Këta duan që, për të ruajtur perandorinë e tyre familjare,  vajzën 20 vjeçe ta martojnë me detyrim me Daemon Thompson-in, pak më i vjetër se ajo. Ky është shef i një firme dhe njëri ndër njerëzit më të pasur në botë, tansmeton albinfo.ch. Por Thompson është pjesëtar i mafias dhe përmes tij Clara kupton shumë gjëra për familjen e saj, që janë shokuese për të…

---