Drejtori sportiv i Werderit jep detaje për lëndimin e Rashicës

Foto: Twitter

Werder Bremen mundi Hoffenhaim në udhëtim me rezultat 0:1, ku në golin e vetëm asistoi Milot Rashica.

Ylli i Kosovës po kalon në formë të jashtëzakonshme në këtë edicion, derisa për fat të keq pësoi një lëndim dhe u detyrua të lëshojë fushën më herët, shkruan albinfo.ch.

Pas ndeshjes ka folur edhe drejtori sportiv i Werderit, duke treguar për gjendjen e Rashicës.

“Lëndimi i Milot Rashicës është i keq. Ai e ndjerë se mund të vinte deri te ky lëndim dhe kjo mund të jetë për shkak të ngarkesës së punës që ai ka pasur kohët e fundit”, është shprehur pas ndeshjes, Frank Baumann.

Ende nuk dihet sa larg fushës do të qëndrojë Rashica, derisa Bundesliga përfundon të shtunën e ardhshme dhe skuadra e tij është në garë për një vend në garat ndërkombëtare.