Vedat Muriqi, drejt kampionatit francez

Sulmuesi kosovar, Vedat Muriqi, është një ndër lojtarët më të kërkuar në kampionatin turk, pasi këtë sezon ishte një ndër lojtarët kryesorë te Risespori.

Shumë skuadra kanë zgjuar interesim për sulmuesin shtatlartë dhe për këtë ka folur edhe menaxheri i lojtarit, Haluk Canatar, transmeton albinfo.ch.

“Rizespor ka marrë një ofertë konkrete nga Toulouse. Drejtori sportiv i klubit francez, Ali Rachedi, ishte në ndeshjet e Rizesporit kundër Beshiktashit dhe Basaksehirit. Ai u nda i kënaqur me paraqitjet e sulmuesit. Tashmë mbetet në ditët në vijim të shihet se si do të zhvillohen bisedimet mes klubit të klientit tim dhe Toulouset”, deklaroi Canatar.