Caritasi zviceran dhe Vushtrria, me marrëveshje për personat e riatdhesuar

Komuna e Vushtrrisë, në bashkëpunim me Caritasin Zviceran në Kosovë, kanë nënshkruar një marrëveshje bashkëpunimi për projektin “Kthimi i qëndrueshëm i personave të riatdhesuar përmes riintegrimit social-ekonomik”, përcjell albinfo.ch.

“Përmes projekti SUREP, Caritasi Zviceran dhe partnerët e saj bashkëimplementues, Qendra Kosovare për Rehabilitimin e Viktimave të Torturës (QKRMT) dhe Agjencia për Promovimin e Punësimit (APPK), ofrojnë mbështetje për personat e riatdhesuar, në mënyrë që ata të mund të zhvillojnë një perspektivë pozitive për jetën e tyre në Kosovë”, thuhet në njoftimin e Caritasit zviceran.

Ata po ashtu kanë bërë të ditur se po presin me padurim fillimin e aktiviteteve të projektit në terren.

(Fotografitë nga kabineti i kryetarit Xhafer Tahiri)