Pakot tani mund t`i dërgoni edhe përmes Migros-it

Migros-i dhe Posta zvicerane kanë filluar bashkëpunimin. Tani, konsumatorët mund të dorëzojnë dhe të marrin paketa në ndonjë filial të Migros-it.

Shërbimi i ri është pjesë e planeve për të zgjeruar seriozisht rrjetin dhe për të rritur pozicionin e saj në tregun postar zviceran, përballë rritjes së blerjeve online.

Konsumatorët tani mund të vendosin dhe të marrin pakot e tyre në gjithë Zvicrën, në rreth 300 filiale të shitjes, përcjell albinfo.ch.

Për të marrë paketa apo letra me rekomandim në filialet e Migros-it, kërkohet një llogari online e përdoruesit të postës. Me këtë rast, përmes shërbimit “Meine Sendungen (Dërgesat e mia)”, pakot apo letrat mund t`i porositni në filialin e dëshiruar të Migros-it.