Hapet resorti më i shtrenjtë në botë

Foto: Facebook

Resorti më i shtrenjtë në botë është hapur, dhe, siç mund të pritet, të lë pa fjalë jo vetëm me bukuritë, por edhe me çmimin. Resorti quhet “Ishulli Privat Banva” dhe një natë aty kushton 100 mijë dollarë.

Resorti është në arkipelagun Palavan, në Filipine, që shihet si fronti i fundit ekologjik. Koha këtu duket sikur ndalon, dhe temperatura bien shumë rrallë nën 30 gradë Celsius, shkruan TCH, përcjell Albinfo.ch.

Jo vetëm që është 100 mijë dollarë nata, por qëndrimi më i shkurtër lejohet për jo më pak se tre ditë. Është i gjithi ishull privat, dhe ka vetëm gjashtë vila, që garanton privatësi. Aty shërbehet ushqim i freskët që rritet dhe mblidhet në zonat rreth e rrotull.

Resorti ka vetëm gjashtë vila, dhe secila ka pishinën e vet të modelit “Pafundësi”. Ishulli ka një qendër relaksi “Spa”, ku ofrohen shumë shërbime të përfshira në çmim. Ishulli është i veçuar dhe mënyra më e mirë për të udhëtuar atje është me helikopter.

Mobilimi është modern dhe shik, me kombinime ngjyrash qetësuese. Resorti ka dhe fusha golfi prej të cilave mund të shënjestrosh objektiva që pluskojnë në ujë.