Kadri Veseli mohon se është nisur për në Gjykatën e Hagës

Gjatë ditës së sotme qarkulluan lajme në mediat kosovare se Kryetari i Kuvendit të Kosovës njëkohësisht edhe ai i PDK-së, Kadri Veseli ka udhëtuar drejt Gjykatës së Hagës, i thirur për tu intervistuar.

Lajmi mori dhenë ndërsa askush nga zyra e kryetarit nuk e mohonte e as nuk e pohonte se ka shkuar apo jo Veseli në Hagë.

Vetë Kryetari Veseli me anë të një postimi në rrjetin social ‘Facebook’ ka mohuar se është thirur nga Gjykata Speciale.

“Nuk kam ftesë dhe nuk jam duke shkuar në Hagë, as për vizitë dhe as për Gjykatën Speciale. Nuk është e vërtetë që kam ftesë për ndonjë intervistë. Po të kisha do ta bëja njoftimin publik. Nuk është marre, as kiamet. Më vjen keq në qoftëse dikush është shqetësuar për këtë lajm, por më vjen keq edhe për ata që i janë gëzuar këtij lajmi. E kam thënë edhe më parë se askush nuk më frikëson. Vetëm kombi im mund të më gjunjëzojë apo përkrahë”, ka shkruar Veseli.