Tre vjet nga pranimi i Kosovës në UEFA

Federata e Futbollit e Kosovës e ka kujtuar Ditën historike të futbollit kosovar.

Tre vjet më parë, më 3 maj të vitit 2016, në Kongresin e UEFA-s, të mbajtur në Budapest të Hungarisë, Kosova u bë anëtare me të drejta të plota nën drejtimin e kryetarit të ndjerë të FFK-së, Fadil Vokrri, transmeton albinfo.ch.

Kryetari i Federatës, Agim Ademi, ka theksuar se me pranimin në UEFA, Kosova i ka dhënë fund izolimit 25-vjeçar dhe ka hapur një epokë të re në historinë e futbollit kosovar.

Ademi ka numëruar disa të arritura gjatë këtyre tre vjetëve, në theks të veçantë suksesin e Kombëtares në Ligën e Kombeve, e po ashtu edhe pjesëmarrjen e klubeve në garat kualifikuese të Ligës së Kampionëve dhe Ligës së Evropës.