Gjermani: “FC Kosova” fiton në turneun “Zejnullah Zejna”

MDIS

Në Schloß Holte-Stukenbrock të Gjermanisë është mbajtur një turne futbolli për nder të ish-futbollistit të ndjerë Zejnullah Zejna.

Në këtë turne, në mesin e dhjetëra ekipeve fitoi klubi “Kosova” nga Frankfurti, kurse epitetin e futbollistit më të mirë e mori Flakron Thaçi, përcjell albinfo.ch.

“Organizuar nga Ministria e Diasporës dhe Investimeve Strategjike dhe FC Kastrioti Stukenbrock,  në Schloß Holte-Stukenbrock të Gjermanisë u mbajt  turneu i futbollit për seniorë  “Zejnullah Zejna” për nder të  ish-futbollistit të këtij klubi që dha jetën për  lirinë dhe pavarësinë e Kosovës”, thuhet në njoftimin e MDIS-it.

Të pranishëm në këtë aktivitet ishin  Isni Kilaj, zëvendësministër i MDIS-it, Afrim Deliu, zyrtar në MDIS,  Fatmire Musliu, konsulle e përgjithshme në Konsullatën e Kosovës në Frankfurt, Fidan Ibrahimi,  konsull në Konsullatën e Kosovës në Frankfurt, Agim Ademi, president i FFK-së, anëtarë të KE-së së FFK-së, etj.

Në këtë turne morën pjesë rreth 40 klube shqiptare të futbollit, dhe ndeshjet u përcollën nga një numër i madh i bashkatdhetarëve.